കാണാതായ സിപിഎം നേതാവിന്റ മൃതദേഹം കണ്ടെത്തി

കൊച്ചി‍:  കായലില്‍ ചാടിയ എളങ്കുന്നപുഴ മുന്‍ പഞ്ചായത്ത് പ്രസിഡന്‍റ് വി.കെ. കൃഷ്ണ(74)ന്‍റെ മൃതദേഹം കണ്ടെത്തി. കണ്ണമാലി കടല്‍ത്തീരത്ത് നിന്നാണ് മൃതദേഹം കണ്ടെത്തിയത്. ചൊവ്വാഴ്ച രാത്രി ഏഴരയോടെ വൈപ്പിനില്‍നിന്ന് ഫോര്‍ട്ടുകൊച്ചിക്കുള്ള ഫെറി ബോട്ടില്‍ നിന്നാണ് കൃഷ്ണൻ കായലിലേക്ക് ചാടിയത്.

ബോട്ടിലുണ്ടായിരുന്ന ഒരു യാത്രക്കാരനെആത്മഹത്യ കുറിപ്പ് എല്‍പ്പിച്ചിട്ടാണ് ചാടിയത്. മേയ് 31-ന് കോണ്‍ഗ്രസ് കൊണ്ടുവന്ന അവിശ്വാസപ്രമേയത്തെ ബിജെപി പിന്തുണച്ചതോടെ കൃഷ്ണന് പ്രസിഡന്‍റ് സ്ഥാനം നഷ്ടമായിരുന്നു. അതേസമയം, സ്ഥാനനഷ്ടമല്ല ആത്മഹത്യയ്ക്ക് കാരണമെന്ന് കത്തില്‍ പറഞ്ഞിരുന്നു.